Sunday, April 11, 2010
दाल ढोकळी
Posted on 5:13 PM in by Rasika Mahabal
२५० ग्रॅम तुर डाळ
२५० ग्रॅम कणीक
३ हिरव्या मिरच्या
३ चमचे हिरव्या मिरच्यांची पेस्ट
५० ग्रॅम दाण्याचे कुट
२५ ग्रॅम काजु
१ चमचा हळद
१ चमचा मोहरी
३-४ लसून पाकळ्या
२ टमाटे बारीक चिरुन
१ चमचा चिंचेचा पल्प, १ चमचा साखर
चवीनुसार मीठ
१ चमचा गरम मसाला
१ चमचा ओवा
४-५ चमचे तेल
१ चमचा तिखट
१ चमचा जिरे
१/२ कप कोथिंबीर
३-४ चमचे तुप
कढीपत्ता
क्रुती:
१. कणकेमधे मीठ, हळद, ओवा, तिखट एकत्र करुन तेल व पाणी घालून कणीक मळावी.
२. तुर डाळ धुवून कुकर मधे शिजवून घ्यावी.
३. एका मोठ्या भांड्यात तेल गरम करुन त्यात लसूण, मोहरी, कढीपत्ता, जिर, हिरव्या मिरच्या घालून फोडणी करावी. ४. ४. त्यात शिजवलेली तुर डाळ, चिंचेचा पल्प, काजु, साखर, गरम मसाला, थोड तिखट, टमाटे, हळद, मीठ व २ वाट्या पाणी घालावे.
५. कणकेच्या मोठ्या पोळ्या लाटून त्याचे शंकरपाळ्याच्या साईझचे तुकडे करुन उकळत्या डाळीत घालावे.
१० मिनिट उकळू देऊन त्यावर कोथींबीर घालून सर्व्ह करावे.
Sunday, April 4, 2010
काजू मटारांची उसळ
Posted on 10:21 PM in उसळ, काजु, मटार by Rasika Mahabal
ओरिइजिनल रेसिपि कच्चे टोमॅटो घालून होती. इथे हिरवे टोमॅटो न मिळाल्याने मी त्याऐवजी ढोबळी मिरची चा वापर केला. ते पण चविष्ट लागले.मटारच्या ऐवजी पीजन पीज पण चांगले लागतात.
१. १/२ वाटी काजू
२. १ वाटी मटार
३. १ वाटी चिरलेली कोथिंबीर, २-३ हिरव्या मिरच्या, २-३ लसूण पाकळ्या, १ टी स्पून जिरे, २ कच्चे हिरवे टोमॅटो (किंवा ढोबळी मिरची) सर्व जिन्नस एकत्र बारीक वाटून घेणे.
४. तेल मोहरी हिंग
५. मीठ, साखर
क़ूती:
१. मसाल्याचे सर्व सामान बारीक वाटून घेणे. काजू १/२ तास आधी भिजवून ठेवणे.
२. १ डाव तेलाची फोडणी घालावी. त्यात वाटलेला मसाला खमंग परतावा.
३. मटार किंचीत सोडा घालून उकडून घ्यावे.
४. परतलेल्या मसाल्यावर मटार व काजू घालावेत, २ वाट्या पाणी घालून झाकण ठेऊन २ मंद वाफा येऊ द्याव्यात.
५. चवीनुसार मीठ साखर, कोथिंबीर घालून उतरवावे.
Friday, April 2, 2010
उपमा
Posted on 8:05 PM in by Rasika Mahabal
आमचे वडील म्हणतात की एका वेळेस फक्त मुठ भरेल एवढच अन्न खाव... तेवढच पचत. त्यामुळे दर दोन तासांनी माझी थोड थोड खाण्याची सवय. ते खाण हेल्थि असण गरजेच. कुठे चिप्सच खाल्ल्यात किंवा काहीतरी जंक चरल आहे अस घडू न देण्याचा प्रयत्न असतो. पण त्यामुळे आठवडाभराच्या स्नॅक्सच प्लॅनिंग कराव लागत.
मिर्ची, दही, कोथिंबीरीची चटणी + उपमा हे माझ आवडीच कॉंबीनेशन.
१. दोन वाट्या जाड रवा
२. १ कांदा चिरुन (अमेरिकेतल्या एका कांद्याचा साईझ जंबो असतो त्यामुळे छोटे असल्यास २ घालावे)
३. १ वाटी मटार
४. १ टोमॅटो
५. ३-४ हिरव्या मिरच्या व १/२ ते १ इंच आल वाटून
६. १०-१२ कढीलिंबाची पान, एखाद दोन सुक्या लाल मिरच्या
७. तेल
८. १/२ वाटी खवलेला ओला नारळ, मूठभर कोथिंबीर
९. मोहरी, जिरे, हिंग
क़ूती:
१. कढईत मंद आचेवर रवा गुलाबी रंगावर भाजून काढून ठेवावा. मी एका वेळेस बरीच क्वांटीटी भाजून फ्रिजमधे ठेवते. रवा फ्रिजमधे एखाद वर्ष अगदी छान राहतो.
२. एका पातेलीत तेलात फोडणी करावी. त्यात कढिलिंब, मिरच्या, कांदा, मटार, आल घालून परतून जरा वाफवून घ्यावे.
३. त्यात रवा टाकून थोडे परतून चवीनुसार मीठ, साखर, टोमॅटो घालून त्यात ४ वाट्या उकळलेले पाणी हळूहळू घालत सारखे ढवळावे.
४. सर्व पाणी घातल्यावर अर्ध्या लिंबाचा रस घालून झाकण ठेवून मंद आचेवर २ वाफा द्याव्यात.
५. तयार उपम्यावर खोबर, कोथिंबीर घालून खायला द्यावा (किंवा घ्यावा :))
ब्रेडचा उपमा:
१/२ ब्रेड कुस्करुन (शक्यतो ताजा नको)
१ कांदा बारीक चिरुन
तेल, मोहरी, हळद, तिखट
चवीनुसार मीठ साखर व अर्ध्या लिंबाचा रस
मूठभर कोथिंबीर
१. ब्रेड हाताने कुस्करुन घ्यावा. खुप बारीक करु नये.
२. पातेलीत तेल मोहरी हळद घालून फोडणी करावी व चिरलेला कांदा खमंग परतावा.
३. कांदा परतून त्यात पाव वाटी पाणी घालावे व त्यात १/२ चमचा तिखट, चवीनुसार मीठ व साखर घालावी व १/२ लिंबाचा रस घालून ढवळावे.
४. पातेल्यातले पाणी उकळले की कुस्करलेला ब्रेड घालून मंद आचेवर चांगली वाफ द्यावी.
गुलाबजाम
Posted on 7:30 PM in खवा, रवा by Rasika Mahabal
गुलाबजाम करणे म्हणजे भरपूर वेळ + कष्ट अस माझ मत होत पण ते अगदीच चुकीच ठरल.
दिवस एक : रात्री रवा दुधात भिजवून ठेवला - वेळ २ मिनिट
दिवस दोन : खवा व रवा पुरण यंत्रातून काढून छोटे सारखे गोळे करून फ़्रिजमधे ठेवला - वेळ १० मिनिट
दिवस तीन : एकीकडे पाक करायला ठेवला व दुसरी कडे गुलाबजाम तळून घेतले, तळलेले गुलाबजाम गरम पाकात टाकून उकळी येवू दिली- वेळ २० मिनिट
टोटल वेळ ३२ मिनिट!
ट्राय करून बघा पटतय का ते!
*** अश्या रेसिपीज ट्राय करायला वजनाच्या काट्याचा खुपच उपयोग होतो.
१. पाव किलो खवा
२. १ छोटी वाटी बारीक रवा (१०० ग्रॅम)
३. १/२ वाटी दुध (१०० ग्रॅम रवा एका वाटीत घालून ती जेवढी भरेल त्याच्या निम्म्या प्रमाणात दुध)
४. ७-८ हिरव्या वेलदोड्याची पूड
५. १/२ चिमूट खायचा सोडा
६. ३ वाट्या साखर
७. ३ वाट्या पाणी
९. तळण्याकरता तेल अथवा तुप
क़ूती:
१. प्रथम रवा दुधामधे भिजवून २ तास झाकून ठेवावा (मी संपूर्ण रात्रभर ठेवलेला). तो पोळीच्या कणके इतपत सैल असावा.
२. रवा भिजल्यावर खवा व रवा एकत्र करून पुरणयंत्रातून काढून घेणे (पुरणयंत्राला मोठ्या भोकाची ताटली लावून)
३. रवा-खवा-वेलदोडा पावडर-सोडा सर्व चांगले मळून त्याचे एकसारखे २५-२६ छोटे गोळे करुन ते गॅसवर तेलात किंवा तुपात तळून कागदावर ठेवावे.
४. एका पसरट पातेल्यात ३ वाट्या साखर + ३ वाट्या पाणी गॅसवर ठेवून एक उकळी आली की गॅस बंद करणे.
५. हा पाक कोमट झाला की त्यात गोळे घालून मंद आचेवर ठेवावे. एक उकळी आली की उतरवावे.
६. ५-६ तास मुरल्यावर वाढावेत.
गुलाबजाम गरम/थंड कसेही चांगले लागतात. शिवाय गरम गुलाबजाम वर २ स्कुप व्हनिला आइसक्रीम हे कॉंबिनेशन पण अमेझिंग लागत.
Wednesday, March 31, 2010
अंडाकरी
Posted on 8:27 PM in अंड, ओला नारळ, कांदा, टोमॅटो by Rasika Mahabal
१. ६ अंडी
२. पाव किलो कांदे
३. अर्धा पाव टोमॅटो
४. २-३ लसूण पाकळ्या, १/२ इंच आल वाटून
५. १ वाटी ओला नारळ वाटून
६. १ चमचा लाल तिखट, पाव चमचा हळद, पाव चमचा जिर
७. १ चमचा धने जिरे पावडर, १ चमचा गरम मसाला
८. ३ चमचे तेल
९. मीठ
१०. मुठभर चिरलेली कोथिंबीर
क़्रूती:
१. पातेल्यात पाणी कोमट करून अंडी घालून उकडून घ्यावीत.
२. कांदे किसून घ्यावेत. बटाटे बारीक चिरून घ्यावे.
३. पातेलीत तेल गरम करून पाव चमचा जिर घालून त्यावर किसलेला कांदा घालून गुलाबी रंगावर परतून घ्यावा. कांदा परतून तेल बाजूला सुटले की त्यात हळद, तिखट, गरम मसाला, धने, जिरे पावडर घालून परतावे. किसलेले टोमॅटो घालून परतावे. त्यात ३ वाट्या उकळते पाणी घालावे व चवीनुसार मीठ घालावे. वाटलेला ओला नारळ घालून करी चांगली उकळू द्यावी.
४. उकडलेली अंडी सोलून त्याचे प्रत्येकी २ उभे भाग करून उकळलेल्या करीमधे टाकावेत. कोथिंबीर घालून करी उतरवावी.
२. पाव किलो कांदे
३. अर्धा पाव टोमॅटो
४. २-३ लसूण पाकळ्या, १/२ इंच आल वाटून
५. १ वाटी ओला नारळ वाटून
६. १ चमचा लाल तिखट, पाव चमचा हळद, पाव चमचा जिर
७. १ चमचा धने जिरे पावडर, १ चमचा गरम मसाला
८. ३ चमचे तेल
९. मीठ
१०. मुठभर चिरलेली कोथिंबीर
क़्रूती:
१. पातेल्यात पाणी कोमट करून अंडी घालून उकडून घ्यावीत.
२. कांदे किसून घ्यावेत. बटाटे बारीक चिरून घ्यावे.
३. पातेलीत तेल गरम करून पाव चमचा जिर घालून त्यावर किसलेला कांदा घालून गुलाबी रंगावर परतून घ्यावा. कांदा परतून तेल बाजूला सुटले की त्यात हळद, तिखट, गरम मसाला, धने, जिरे पावडर घालून परतावे. किसलेले टोमॅटो घालून परतावे. त्यात ३ वाट्या उकळते पाणी घालावे व चवीनुसार मीठ घालावे. वाटलेला ओला नारळ घालून करी चांगली उकळू द्यावी.
४. उकडलेली अंडी सोलून त्याचे प्रत्येकी २ उभे भाग करून उकळलेल्या करीमधे टाकावेत. कोथिंबीर घालून करी उतरवावी.
पनीर भुर्जी
Posted on 7:54 PM in कांदा, टोमॅटो, पानकोबी, भोपळी मिरचि by Rasika Mahabal
१. अर्धा किलो पनीर
२. पाव किलो पानकोबी
३. १०० ग्रॅम भोपळी मिरच्या
४. २ मोठे कांदे चिरुन
५. २ टोमॅटो बारीक चिरुन
६. १०-१२ हिरव्या मिरच्या बारीक चिरुन
७. मुठभर चिरलेली कोथिंबीर
८. २-३ लसूण पाकळ्या, १/२ इंच आल वाटून
९. १ चमचा लाल तिखट, १/२ चमचा गरम मसाला, मीठ
१०. २ चमचे तुप
क़्रूती:
१. पानकोबी बारीक चिरून घ्यावी.
२. भोपळी मिरच्या बिया काढून बारीक पातळ चिरून घ्याव्यात.
३. पनीर जाड किसणीवर किसून घ्यावे.
४. ३ चमचे तेल कढईत गरम करावे. त्यावर बारीक चिरलेला कांदा परतून घ्यावा. मिरच्याचे तुकडे घालून परतावे. चिरलेला कांदा परतून घ्यावा. मिरच्याचे तुकडे घालून परतावे. वाटलेले आले, लसूण, लाल तिखट, गरम मसाला घालून परतावे. चिरलेला टोमॅटो घालून परतावे. बारीक चिरलेलू पानकोबी व भोपळी मिरच्या अर्धवट शिजेपर्यंत परतावे. किसलेले पनीर घालावे. चवीनुसार मीठ घालून परतावे. पाणी अजिबात घालू नये.
२ ब्रेडच्या मधे सारण म्हणून वापरून ती सॅंडविचेस छान लागतात.
२. पाव किलो पानकोबी
३. १०० ग्रॅम भोपळी मिरच्या
४. २ मोठे कांदे चिरुन
५. २ टोमॅटो बारीक चिरुन
६. १०-१२ हिरव्या मिरच्या बारीक चिरुन
७. मुठभर चिरलेली कोथिंबीर
८. २-३ लसूण पाकळ्या, १/२ इंच आल वाटून
९. १ चमचा लाल तिखट, १/२ चमचा गरम मसाला, मीठ
१०. २ चमचे तुप
क़्रूती:
१. पानकोबी बारीक चिरून घ्यावी.
२. भोपळी मिरच्या बिया काढून बारीक पातळ चिरून घ्याव्यात.
३. पनीर जाड किसणीवर किसून घ्यावे.
४. ३ चमचे तेल कढईत गरम करावे. त्यावर बारीक चिरलेला कांदा परतून घ्यावा. मिरच्याचे तुकडे घालून परतावे. चिरलेला कांदा परतून घ्यावा. मिरच्याचे तुकडे घालून परतावे. वाटलेले आले, लसूण, लाल तिखट, गरम मसाला घालून परतावे. चिरलेला टोमॅटो घालून परतावे. बारीक चिरलेलू पानकोबी व भोपळी मिरच्या अर्धवट शिजेपर्यंत परतावे. किसलेले पनीर घालावे. चवीनुसार मीठ घालून परतावे. पाणी अजिबात घालू नये.
२ ब्रेडच्या मधे सारण म्हणून वापरून ती सॅंडविचेस छान लागतात.
बटाट्याच्या विविध प्रकारच्या भाज्या
Posted on 7:53 AM in कांदा, बटाटा by Rasika Mahabal
कमी वेळ असतांना बटाट्याची भाजी पटकन होते. बटाट्यासोबत गाजर, मटार, पानकोबी, फुलकोबी, भेंडी, नारळाच दुध, दही, कोरड खोबर, ओल खोबर काय वाट्टेल ते चांगल लागत. बटाटा परतून, रस्सा अस त्यात अजुन एक परम्युटेशन कॉंबिनेशन.
बटाट्याच्या भाजीचे काही निरनिराळे प्रकार:
बटाटा भाजी परतून
१. १/२ किलो बटाटे
२. चवीनुसार लाल तिखट
३. २ डाव तेल
४. मोहरी, हिंग, हळद
५. मीठ
६. सुके खोबरे, कोथिंबीर
१. बटाटे स्वच्छ धुवून साल काढून (साल आवडत असल्यास साल ठेवून) एका बटाट्याचे ४ उभे काप करून नंतर पातळ उभ्या काचरया करुन पाण्यात टाकाव्यात.
२. पसरट कढईमधे तेल घालून फोडणी करावी
३. चिरलेले बटाटे घालून प्रथम परतून लाल तिखट घालावे, परतून त्यावर झाकण ठेवावे.
४. बटाट्याला एक वाफ आल्यावर अंदाजाने मीठ घालून परतावे. झाकण न ठेवता मंद आचेवर बटाटा शिजेपर्यंत परतावे. फोडी चुरचुरीत झाल्या पाहिजेत. बटाटे शिजुन चांगले परतले गेले की भाजीला तेल सुटते.
५. थोडे सुके खोबरे व कोथिंबीर घालून भाजी उतरवावी.
ह्या भाजीसोबत आवडत असल्यास खालीलप्रमाणे व्हेरियेशन्स करता येतात:
१. थोडी साखर
२. लसुण, लाल सुक्या मिर्च्या
३. कांदा
***२ ब्रेड्सना लोणी लावुन मधे ह्या भाजीचे सारण घालून सॅंडविच मेकर मधुन काढावी... दुपारच्या स्नॅक करता छान लागते.
बटाटा रस्सा
१. १/२ किलो मध्यम आकाराचे बटाटे
२. २ कांदे, २ टोमॅटो
३. १/२ वाटी सुके खोबरे
४. २ लसुण पाकळ्या (अमेरिकेमधे लसुणीचा साइझ जंबो असतो, तुमच्या आवडीप्रमाणे लसुण अॅड करावी)
५. १ इंच आल
६. १/२ ते १ चमचा गरम मसाला (आवडीप्रमाणे)
७. हळद, १-२ डाव तेल (मला कमी तेलात भाज्या आवडतात)
८. १/२ नारळाची वाटी खवून
९. मुठभर कोथिंबीर
१०. मीठ साखर चवीनुसार
१. बटाटे धुवून सोलून मध्यम आकाराच्या चौकोनी फोडी करुन पाण्यात टाकाव्यात.
२. कांदे बारिक चिरून घ्यावेत. कढईत तेल घालून खमंग परतून घ्यावेत. त्यातच सुके खोबरे गुलाबी रंगावर परतावे.
३. त्यात गरम मसाला, लाल तिखट, आले, लसुण घालून सर्व मिश्रण बारीक वाटुन घ्यावे (मी मिक्सरचा वापर करते)
४. पातेल्यात तेल तापवून फोडणी घालावी त्यावर बटाटे घालून त्यावर थाळी ठेवून वाफावून घेणे.
७. बटाटा निम्मा शिजला की त्यात वाटलेला मसाला घालून बारीक चिरलेला टोमॅटो घालणे, ४ वाट्या उकळ्ते पाणी घालून मीठ साखर घालणे. रस्सा उकळला की त्यात खवलेला नारळ व चिरलेली कोथिंबीर घालावे.
*** वरील भाजी मधे अजुन एक व्हेरियेशन म्हणजे त्यात २ वाट्या चिरलेला फ्लॉवर व १ वाटी मटार घालणे.
बटाट्याचा झटपट रस्सा
१. ३-४ उकडलेले बटाटे
२. २ टे. स्पुन साजुक तुप
३. १ टे. स्पुन जिर, १/२ चमच हळद, १/२ चमचा लाल तिखट
४. २-३ हिरव्या मिर्च्या
५. कोथिंबीर, मीठ
६. १/२ वाटी दही (फार आंबट नको)
क़ृती:
१. उकडलेले बटाटे सोलुन बारीक चिरुन घ्यावे.
२. तुपाची जिर व हळद घालून फोडणी करावी. त्यात मिरच्या, आवडत असल्यास लाल तिखट व १/२ वाटी दही घालावे.
३. त्यात बटाटे, मीठ व ३ वाट्या पाणी घालून रस्सा चांगला उकळू द्यावा. दाटसर झाला की कोथिंबीर घालून उतरवावा.
व्हेरियेशन: आवडत असल्यास फोडणीमधे १ बारिक चिरलेला टोमॅटो घालावा.
कांदा बटाटा भाजी:
१. पाव किलो बटाटे
२. पाव किलो पांढरे कांदे
३. २ डाव तेल
४. १ चमचा लाल तिखट
५. मीठ, १ चमचा पिठीसाखर
६. कोथिंबीर
क़ृती:
१. बटाटे, कांदे सोलून त्यांच्या मोठया फोडी करणे
२. पातेल्यात तेलाची फोडणी करुन त्यात कांदे व बटाटे एकदम घालावे. पातेल्यावर थाळीत पाणी घालून मंद गॅसवर वाफेला ठेवावी.
३. चांगले शिजत आल्यावर लाल तिखट, मीठ व पिठीसाखर घालून पूर्ण शिजू द्यावी. सर्व्ह करतांना कोथिंबीर घालून सर्व्ह करावी.
Subscribe to:
Posts (Atom)